މިހެން ވެގެން ނުވާނ

އޭރު،ޢިޝާނަމާދަށް ގޮވަން ހުރީ ގާތްގަނޑަކަށް ފަނަރަވަރަކަށް މިނިޓަށް ވެފަ އެވެ.

އޭނަ ވަރަށް އަވަސްކޮށް ވުޟޫ ކޮށްލުމަށްފަހު މަޣުރިބު ނަމާދުކުރަން ފެށިއެވެ.

ނަމާދުގެ ތަސްބީޙަ ކިޔުމުގެ ތެރޭ ހުއްޓާ ހަނދާންވީ އޭނަގެ މާމަ މަތިންމެވެ.އޭނަ ނަމާދުކުރާ ގޮތާ މެދު މާމަ ކިޔާއެއްޗެހީގެ މަތިންނެވެ.

އޭނަގެ މާމަ ނަމާދުކުރަނީ ވަރަށް މަޑުމައިތިރިކަމާއި ތަޤުވާވެރިވެ ހުރެ އެވެ.

އޭނަ ދުޢާކުރުމަށްފަހު ސަޖިދައަށް ދިޔައެވެ. އަދި ސަޖިދައިގައި ކުޑަ އިރުކޮޅަކު އޮތެވެ.

މުޅި ދުވަސް އޭނަ ހޭދަކުރީ މަސައްކަތުގައެވެ. އެހެންކަމުން އޭނާއަށް ވަނީ ވަރަށް ވަރުބަލިކަން ލިބިފައެވެ. ވަރަށް ބޮޑަށެވެ.

އޭނައަށް ހޭވެރިކަންވީ އޭނައާ ދިމާއަށް ހަޅޭއްލަވައިގެން އަޑަށެވެ.

އޭނަ ވަނީ ދާހިއްލާ ފޯވެފައެވެ.

ވަށައިގެން ހޯދާލިއެވެ.

އެ ތަނުގަ ބައިވަރު މީހުން ތިއްބެވެ.

ބަލާލި ކޮންމެ ދިމާލަކުންމެ ފެންނަނީ މީހުން ފުރި ބާރުވެފައިވާ ތަނެވެ.

ބައެއް މީހުން ތިބީ ގަނޑުވެފައެވެ. ބައެއް މީހުން ކޮޅުކޮޅުމައްޗަށް ދުވަނީއެވެ. ބައެއްމީހުން ދެކޮޅު ހޯދާ ބަލަނީއެވެ.

ބައެއް މީހުން ކަކޫ މަތީގައި ތިބި އިރު ދަތްދޮޅި އަތަށް ލައިގެން މޮޅިވެރިކަމާއެކު އަނެއް ބަޔަކު ތިއްބެވެ
.
އެންމެންހެން ތިބީ ހަދާނެގޮތް ހުސްވެފައެވެ. އަނެކާއަށް އެހީތެރިވެދޭފަދައިގައި ހަމަ އެކަކުވެސް ނެތެވެ.

މި މާހައުލުގެ ބިރުވެރިކަން ހުރިގޮތުން އޭނައަށް އެ ހުރެވުނުތަން އެނގިއްޖެއެވެ.

އޭނަގެ ހިތް ފަޅައިގެންނުގޮސް ހުރީ ހަމަ ކިރިޔަ ކިރިޔާއެވެ.

އެއީ އާޚިރަތްދުވަހެވެ. ހިސާބު ބެއްލެވޭ ދުވަހުގެ ހިސާބު ބެއްލެވޭ ތަނުގައެވެ.

ހިސާބު ބެއްލެވޭނެ ދުވަހާ އެ ދުވަހުގެ ސުވާލުތަކާ ގުޅޭ ވަރަށް ގިނަ ވާހަކަތައް ވަނީ އޭނަ ދުނިޔޭގައި ހުރި އިރު އަޑު އިވިފައެވެ.
އެކަމަކު އޭނައަށް ހީވަނީ އެއީ ވަރަށް ކުރިން އަޑު އިވިފައިވާ ވާހަކަތަކެއް ހެންނެވެ.

މިއީ އޭނަގެ ޚިޔާލަށް ފެންނަ ކަންކަން ބާއޭ އޭނަގެ ހިތަށް އެރިއެވެ؟

ނޫނެކެވެ. މި ބިރުވެރިކަމާ މިތާ ހޭދަވި ވަގުތަށް ބަލާއިރު މީކީ ޚިޔާލަށް ފެންނަ ކަންކަމެއް ނޫނެވެ.

ހިސާބު ބެއްލެވުމުގެ ކަންތައް މިހާރުވެސް އެ ދަނީ ހަމަ ކުރިއަށެވެ.

ބިރުވެރިކަމާ މަޑުމޮޅިކަމާއެކު ފަހަރަކު މީހަކު ކައިރިޔަށް ގޮސް އޭނަގެ ނަން ގޮވިތޯ އަހަން ފެށިއެވެ.

ހަމަ އެކަކުވެސް އޭނައަކަށް އެއްވެސް ޖަވާބެއް ނުދިނެވެ.

ކުއްލިއަކަށް އޭނަގެ ނަމުން ގޮވާލެވުނު އަޑު އިވުނެވެ. ހަމަ އެވަގުތުމެ ތޮއްޖެހިފައިވާ މީހުން ދެފަރާތަކަށް ކެހިލުމަށްފަހު އޭނަ ދިޔުމަށް މަގު ހަދާދިނެވެ.

ދެ މަލާއިކަތުން އޭނަގެ އަތުގަ ހިފާ ކުރިއަށް ނެރުނެވެ.

އެއްވެ ތޮއްޖެހިފައިވާ މީހުންގެ ތެރެއިން އޭނަ ހިނގާފަދިޔައިރު އެހެން މީހަކަށް އެކަން ފާހަގައެއް ނުކުރެވެއެވެ..

އެންމެންގެ މެދުގައި އޭނަ ބެހެއްޓުމަށްފަހު މަލާއިކަތުން ހިނގައްޖެއެވެ

އޭނަ އިސްދަށަށް ޖަހާލުމުން އޭނަ ދުނިޔޭގައި ހޭދަކުރި ހަމަ ކޮންމެ ވަގުތެއް އޭނައަށް ފެނިގެން ދިޔައީ ފިލްމެއްހެންނެވެ.

އޭނަ ލޯހުލުވާލިއެވެ.އެކަމަކު ފެނިގެންދިޔައީ އެހެން ދުނިޔެއެކެވެ.

އެކަކު އަނެކަކަށް އެހީތެރިވެދީ ހަދާތަނެވެ.

އޭނައަށް ފެނުނީ އޭނަގެ ބައްޕަ، އެއް އެދުރުކައިރިން އަނެއް އެދުރެއް ކައިރިއަށް ދާތަނެވެ.
އޭނަގެ ބައްޕައަށް ލިބިފައިވާ މުއްސަދިކަން އިސްލާމްދީނުގެ މަގުގައި ހޭދަކުރަމުން ދާ ތަނެވެ.

އޭނައަށް ފެންނުނީ އޭނަގެ މަންމަ މެހެމާނުންތަކަކަށް ދަޢުވަތު ދީގެން ގެއަށް ގެންނަ ތަނެވެ.
އެއްމޭޒު ހުރީ ތައްޔާރު ކޮށްފައެވެ. އަނެއް މޭޒު ސާފުކުރަނީއެވެ.

އޭނަގެ ކަންކަމާމެދު އޭނަ ރޮއި އާދޭސް ކުރަނީއެވެ.

އަހަރެންވެސް ޚިޔާރުކުރީ މި މަގެވެ.

އަހަރެން އެހެން މީހުންނަށް އެހީތެރިވެދިނީމެވެ.

އަހަރެން ﷲގެ ވަޙީ ބަސްފުޅު މީސްތަކުންގެ މެދުގައި ފެތުރީމެވެ.

އަހުރެން ނަމާދު ޤާއިމްކުރީމެވެ.

އަހުރެން ރަމަޟާން މަހުގެ ރޯދަ ހިފީމެވެ. ޒަކާތް ދިނީމެވެ.

ﷲ އަހުރެމެންނަށް ކުރުމަށް އެންގެވި ހަމަ ކޮންމެ ކަމެއް އަހުރެން ކުރީމެވެ. އެންމެހާ ފަރުޟުތައް އަދާކުރީމެވެ.

އަޙުރެމެންނަށް ނަޙީކުރެއްވި، ޙަރާމްކަންކަމާ އަހުރެން ދުރުހެލިވީމެވެ. ޙަރާމްކުރި ހަމަ އެވެސް ކަމެއް ނުކުރަމެވެ،

އޭނައަށް ރޮވިއްޖެއެވެ. ގިސްލަގިސްލާފަ ރޮވެމުން ދިޔައިރު އޭނައަށް އިޙުސާސްކުރެވެނީ ދުނިޔޭގައި އޭނަ ހުރި އިރު އޭނައަށް ﷲ ދެކެ ލޯބިވެވުނު މިންވަރެވެ.

އޭނައަށް ޤަބޫލުކުރެވުނީ އޭނަ ދުނިޔޭގައި ހޭދަކުރި ޙަޔާތުގައި އޭނައަށް ﷲގެ މަގުގައި ކުރެވިފައިވާ ކަންކަމަކީ މަދު މިންވަރެއްކަމެވެ.
އަދި އޭނަ އަށް ސަލާމަތާ ރައްކާތެރިކަން ހަމައެކަނި ލިބުން އޮތީ ﷲގެ ޙަޟުރަތުންކަމެވެ.
ދުވަހަކުވެސް އޭނަ ދާ ނުހިއްލާވަރަށް ދާހިއްލައިފިއެވެ. މުޅި މީހާ ހުރީ ތުރުތުރު އަޅާލަ އަޅާލައެވެ..

އޭނަގެ ލޯހުރީ ތިލަފަތާ ދިމާއަށް ހުއްޓިފައެވެ. އޭނަގެ ހިސާބުގެ ނަތީޖާގެ އިންތިޒާރުގައެވެ.

އެންމެ ފަހުން ނަތީޖާ ނިންމިއްޖެއެވެ. އޭނައަށް ހުރި ގޮތް ނިންމިއްޖެއެވެ.

ދެ މަލާއިކަތުން ކަރުދާސްގަނޑެއްހިފައިގެން ތިބެ، އެއްވެފައިވާ މީސްތަކުންނާ ދިމާއަށް އެނބުރުނެވެ.

އޭނަގެ ފައިގެ ވާގި ދޫވެ ވެއްޓެން އުޅޭހެން ހިވެއެވެ.

ނަރަކައަށް ދާ މީހުންގެ ލިސްޓު މަލާއިކަތުން ކިޔުންވަން ފެށުމާއެކު އޭނަ ލޯ މަރާލިއެވެ.

އެންމެ ފުރަތަމަވެސް މަލާއިކަތުން ކިޔުއްވީ އޭނަގެ ނަމެވެ،

އޭނަ ކަކޫމައްޗަށް ތިރިވެ "މިހެން ވެގެން ނުވާނެ" ކަމަށް ގޮވިއެވެ.

އަހުރެން ނަރަކައަށް ދާންވީ ކީއްވެގެން ހެއްޔެވެ،

އަހުރެންގެ މުޅި ޙަޔާތް ހޭދަކުރީ އެހެން މީހުންނަށް އެހީތެރިވުމުގައެވެ.

އަހުރެން ﷲ ގެ ވަޙީ ބަސްފުޅު މީސްތަކުންގެ މެދުގައި ފެތުރީމެވެ.
އެންމެހާ ފަރުޟުތައް އަދާކުރީމެވެ.
ޙަރާމް އެއްވެސް ކަމެއް ނުކުރަމެވެ.

އޭނަގެ ލޯ ނުކުމެ މުޅި މީހާ ތުރުތުރު އަޅަން ފަށައިފިއެވެ. މުޅި މީހާވަނީ ދާހިއްލާ ފޯވެފައެވެ.

ދެ މަލާއިކަތުން އޭނަގެ އަތުގަ ހިފާ ނަގައިފިއެވެ.

އެންމެންގަނޑުގެ ތެރެއިން ދަމާކޫއްތާފާ ކަހަލަ ގޮތަކަށް ގެންގޮސް ނަރަކައިގެ އަނގުރު އަލިފާނުގެ ކުރިމައްޗަށް އޭނަ ނެރެފިއެވެ.

އޭނައަށް އެހީތެރިވުމަށްއެދި އޭނަ ގޮވަމުން ގެންދިޔައެވެ. އަދި އޭނަގެ ޙާލާމެދު އެހީތެރިވެ ދެވޭނެ މީހަކާމެދު ވިސްނަމުންވެސް ގެންދިޔައެވެ.

އޭނަ ދުނިޔޭގައި ވޭތު ކުރި ޙަޔާތުގައި އޭނަކުރި ހުރިހާ ރަނގަޅު ކަންކަމުގެ ވާހަކައިން ގޮވަމުން ގެންދިޔައެވެ.
އޭނަގެ ބައްޕައަށް އެހީތެރިވެދިން ގޮތެވެ. އޭނަ ގެ ރޯދައިގެ ވާހަކައެވެ. އޭނަގެ ނަމާދާއި ޒަކާތުގެ ވާހަކައެވެ.
ޤުރުއާންކިޔެވި ވާހަކައެވެ. އެއިން އެއްވެސް ކަމެއް އޭނަޔަކަށް އެހީތެރިއެއް ނުވިއެވެ.

ނަރަކައިގެ މަލާއިކަތުން އޭނަ ނަރަކައަށް ލުމަށް ދަމަމުން ގެންދެއެވެ.

ނަރަކައިގެ އެ ހޫނު ގަދަ އަލިފާންގަނޑާ އަންނަނީ ކާރިވަމުންނެވެ.

އޭނަ އެންމެ ފަހުގެ އުންމީދާއެކު ފަހަތަށް އެނބުރި ބަލާލިއެވެ.

ރަސޫލުﷲ ޞައްލަﷲ ޢަލައިހި ވަސައްލިމް ޙަދީޘްކުރައްވާފައެއް ނުވޭތޯއެވެ.

މީހަކު ދުވާލަކު ފަސްފަހަރު ފެންވަރާނަމަ އެމީހެއްގެ ހަށިގަނޑު ސާފުވާނެވަރާމެދު،
އަދި ފަސްވަގުތު ނަމާދުކުރުމަށް ވުޟޫކުރާމީހެއް އެ މީހެއްގެ ފާފަތަކުން ސާފުވާނެ ވަރާމެދުވެސް

އޭނާ ގޮވަން ފެށިއެވެ.

އަހުރެންގެ ނަމާދެވެ. އަހުރެންގެ ނަމާދެވެ. އަހުރެންގެ ނަމާދެވެ.

ދެ މަލާއިކަތުން މަޑެއްނުކުރައްވައެވެ.ގެނެސް ނަރަކައިގެ ތުންފަތްމައްޗަށް އޭނަ ލައިފިއެވެ.

ނަރަކައިގެ އަނގުރު އަލިފާނުގެ ހޫނުން އޭނަގެ މޫނު ފިހިއްޖެއެވެ.

އެންމެ ފަހުގެ ބެލުން އޭނަ ފަސްއެނބުރި ބަލާލިއެވެ. އޭނަގެ ލޮލުގެ ތާޒާކަންވަނީ އެކަމަކު ގެއްލި ގޮސްފައެވެ.
އުންމީދުވެސް ވަނީ ގެއްލިފައެވެ. އޭނަގެ ކިބައިގައި ހަމަ ނުގެއްލޭ އެއްވެސް އެއްޗެއްނެތެވެ.

އެތަނުން އެއް މަލާއިކަތަކު އޭނަ ނަރަކައިގެ ތެރެއަށް ކޮށްޕާލައިފިއެވެ.

އޭނަ އެއްވެސް ތާކު ނުޖެހި ނަރަކައިގެ އެ ބިރުވެރި އަދި ގަދަފަދަ ހޫނު އަލިފާން ގަނޑާ ދިމާއަށް ވެއްޓެމުންދެއެވެ.

އޭނަ ގާތްގަނޑަކަށް ހަޔެއްކަ ފޫޓަށް ވެއްޓުނުތަނުން އޭނަގެ އަތުގައި ހިފައި މައްޗަށް ދަމައިގަތެވެ.
އިސް އުފުލާ ބަލާލިއިރު ފެނުނީ ހުދު ތުނބުޅިއެއްގައިހުރި މުސްކުޅިއެކެވެ.

އޭނަ ގައިގައިހުރި އެއްޗެހިފޮޅަމުން އެ މުސްކުޅިޔާ ގާތު އެހިއެވެ.

ތީ ކާކުހެއްޔެވެ؟

އެ މުސްކުޅިޔާ ޖަވާބު ދިނެވެ.

މީ ކަލޭގެ ނަމާދެވެ.

ކަލޭ ތިހާލަހުން ތި އައީ ކީއްވެ ހެއްޔެވެ؟ އަހުރެން ގާތްގަނޑަކަށް އޮތީ ނަރަކައިގެ ތެރޭގައެވެ.

ކަލޭ އަހުރެން ތި ސަލާމަތްކުރީ ހަމަ އެންމެ ފަހު ވަގުތުގައެވެ.

މުސްކުޅިޔާ ހިނިތުންވުމާއެކު ބޯ ޖަހާލަމުން ބުންޏެވެ.

ކަލޭ އަބަދުވެސް ނަމާދުކުރަނީ އެންމެ ފަހު ވަގުތުގަ ނޫން ހެއްޔެވެ؟ ކަލޭ ހަނދާން ނެތުނީ ހެއްޔެވެ؟

ހަމަ އެވަގުތުގައިމެސިއްސައިގެންގޮސް އޭނަ ސަޖިދައިން ތެދުވެއްޖެއެވެ.

އޭނަ ވަނީ އޭރު ދާހިއްލާ ފޯވެފައެވެ.

ބޭރުން އަޑެއް އޭނައަށް އިވިއްޖެއެވެ.

އޭނައަށް އިވުނީ ޢިޝާނަމާދުގެ ބަންގީގެ އަޑެވެ.

އޭނަ އަވަހަށް ތެދުވެ ވުޟޫކުރަން އަވަސްވެގަތެވެ.


އޭ ލޮބުވެތި މުސްލިމް މިތުރާއެވެ. މި ލިޔުން ތިބާގެ މުސްލިމް މިތުރާއަށް ފޯރުކޮށް ދޭށެވެ. ފަހަރުގަ އެއީ އެ މިތުރުގެ، ނަމާދާމެދު ހޭލުންތެރި ކޮށްދީފާނެ ކަމަކަށް ވެދާނެއެވެ
ފަހަރުގައި މި ލިޔުން ތިބާގެ މުސްލިމް މިތުރާއަށް ފޯރުކޮށް ދިންދިނުމަކީވެސް ހިސާބު ބައްލަވާދުވަހުގެ ހެޔޮކަމުގެ ތިލަފަތަށް އިތުރުވެގެން އަތުވެދާނެ ކަމެއްކަމުގައި ވެދާނެއެވެ.
ﷲ މި އަޅާއަށާއި ތިބާއަށް އަދި އަހުރެމެންގެ މުސްލިމް މިތުރުންނަށް ރަޙުމަތްލައްވާ އަހުރެމެންނަށް އެންމެހާ ހެޔޮކަންތަކަށް މަގުފަހި ކުރައްވާށިއެވެ.
އާމީން.